Almatyda jolda janyp jatqan avtokólik jaryldy
ALMATY. QazAqparat – Almaty oblysynda joldyń boıynda turǵan avtokólik janyp ketti. Kýágerler onyń jarylys sátin vıdeoǵa túsirdi, dep habarlaıdy QazAqparat.
Almaty TJD baspasóz qyzmeti habarlaǵandaı, órt 25 mamyrda saǵat 17:20-da Alataý aýdanynda Raıymbek dańǵyly boıynda, 550/12 úıdiń janynda oryn alǵan.
«Jol apaty saldarynan 1992 jyly shyqqan «Volkswagen Passat» markaly avtokóligi janǵan. Mamandandyrylǵan órt sóndirý bólimi ATs-5-40-qa saǵat 17:30-da keldi. 17:35 - te órt joıyldy (arada 5 mınýt ótkende)», – dep habarlady Tótenshe jaǵdaı departamenti.
Jeńil avtomobıldegi órt tez taralyp, ony 2-3 mınýt ishinde tolyǵymen joıyp jiberetini aıtylady. Osyǵan baılanysty qalalyq tótenshe jaǵdaı departamenti mamandandyrylǵan TJO avtokólikteriniń elektr jabdyqtaryna qyzmet kórsetýdi, saqtandyrǵyshtardyń ornyna «jýchoktar» qoldanbaýdy jáne árqashan jaramdy órt sóndirgishteri alyp júrýdi eskertedi.
