Almatyda «Jolda qabyldaý» sharasy ótip jatyr

dep habarlaıdy QazAqparat.

Búgin tańerteń bastalǵan sharada qalalyq jol polıtsııasy qyzmetkerleri adamdar kóp shoǵyrlanǵan birqatar jerlerde qabyldaýlar júrgizýde. Polıtseılerge júgingen árbir azamatqa kásibı jaýap berilip, mamandar tarapynan azamattarǵa quqyqtyq keńes kórsetilýde.

«Bul aktsııa respýblıka boıynsha ótýde. Aldyn alý is-sharasy Memleket basshysy alǵa qoıǵan talaptardy oryndaý maqsatynda profılaktıkalyq jalpy memlekettik júıeni qurýdaǵy quqyq qorǵaý organdary jáne memlekettik qurylymdarynyń oń ımıdjin qalyptastyrý, sonymen qatar, jol polıtsııasy qyzmetine halyqtyń senimin arttyrý maqsatynda ótkizilýde. Negizgi maqsatymyz - qalanyń jol ahýaly, ondaǵy problemalary týraly bilý jáne eń bastysy, halyqqa jaqyn bolý, kólik júrgizýshilerdiń kókeıinde júrgen suraqtarǵa jaýap berý bolyp tabylady», dedi Almaty qalasynyń ІІD Jol polıtsııasy basqarmasy bastyǵynyń orynbasary, polıtsııa polkovnıgi Muqan Dosymbaev. Onyń aıtýynsha, bul shara jyl basynan beri ótkizilip otyrǵan ekinshi aktsııa. «Birinshi aktsııa qorytyndysy boıynsha, ártúrli suraqtarmen qabyldanǵan bir myńnan asa azamattan 1573 suraq-usynys kelip tústi, onyń 1312-si anketaǵa qatysqan bolatyn. Ótken jyldardyń tájirıbesi mundaı aktsııanyń tıimdiligi men mańyzdylyǵyn kórsetti. Biz sondyqtan, mundaı aktsııany jylyna birneshe ret ótkizip turatyn bolamyz», dep atap ótti polıtsııa polkovnıgi Muqan Dosymbaev.