Almatyda «Jolda qabyldaý» respýbıkalyq aktsııasy bastaldy
ALMATY. QazAqparat - Búgin Almatyda dástúrli «Jolda qabyldaý» respýblıkalyq aktsııasy bastaldy, dep habarlaıdy QazAqparat tilshisi.
Búgin almatylyqtar úshin arnaıy qurylǵan polıtsııanyń qabyldaý pýnkteri óz jumystaryn bastady. «Jolda qabyldaýdyń» 3 pýnkti jáne «Aýla» ishinde qabyldaýdyń 16 pýnkti ózderiniń jumystaryn tańǵy saǵat toǵyzdan keshki saǵat jetige deıin júrgizedi.
Aktsııaǵa polıtseıler, qoǵam ókilderi, polıtsııanyń keńes berý organdarynyń músheleri men qoǵam belsendileri atsalysady.
«Bizdiń maqsat - osyndaı aktsııalar arqyly polıtsııanyń qyzmetin barynsha ashyq etý, qazaqstandyqtarǵa neǵurlym jaqyn bolý. «Jolda qabyldaý» - bul mobıldi alań, jurtshylyqpen baılanys ornatý túri, sol arqyly azamattar polıtsııaǵa kókeıtesti suraqtaryn qoıyp, der kezinde jaýap nemese mamandardyń keńesin ala alady«, - dep atap ótti Almaty qalalyq PD Ákimshilik polıtsııa basqarmasynyń bastyǵy Jandos Muratálıev.
Polıtsııaǵa kelip túsetin aryzdar men ótinishterdi saralaý arqyly ákimshilik polıtsııa, jergilikti polıtsııa men kóshi-qon polıtsııa qurylymdarynyń basshylary men qyzmetkerlerinen arnaıy top qurylyp, halyqqa memlekettik qyzmetterdiń kórsetilýine qatysty barlyq máselelerdi talqylaıdy.
»Aktsııa turaqty jobaǵa aınaldy: jyl basynan beri osymen besinshi ret ótkizilmek. «Jolda qabyldaý» aktsııasy ár ótkizgen saıyn túrlene túsýde jáne jurtshylyqqa kóp paıdasyn tıgizedi, sebebi, oǵan qatysatyn adamdardyń sany artyp keledi, ótkiziletin oryndardyń aýqymy da keńeıe tústi, qazir aktsııa aýlalardyń ishinde de uıymdastyrylady. Buǵan deıingi shara barysynda polıtseılerdiń kómegine 900-den astam adam júgindi, qoıylǵan suraqtardyń basym bóligi jol qozǵalysy qaýipsizdigi men qoǵamdyq tártipti qamtamasyz etý, sondaı-aq kóshi-qon zańnamasyna qatysty máseleler boldy«, - dedi J. Muratálıev.
Sondaı-aq, osy ýaqytta 8-747-080-01-56 jedel jeli telefony jumys jasaýda.
Almatynyń úsh aýdany boıynsha aktsııanyń ótý oryndary belgili boldy: №1 Mamandandyrylǵan HQKO aýmaǵy (Almaty qalasy, Saıaly yqsh., Aq-qaınar k-si 1 úı, Alataý aýdany), №2 Mamandandyrylǵan HQKO aýmaǵy (Almaty qalasy, Maılın k-si, 85 úı, Túrksib aýdany), №3 Mamandandyrylǵan HQKO aýmaǵy (Almaty qalasy, Serikov k-si, 6 úı, Jetisý aýdany).
»Aýla ishinde qabyldaý« boıynsha Almatynyń barlyq segiz aýdany qamtylyp otyr.
Alataý aýdany: Alǵabas yqsh. №182 orta mektebi, Aqkent yqsh. №181 orta mektebi. Almaly aýdany: Gaıdar k-si, 56 úı, Qazybek bı k-si 177 úı. Áýezov aýdany: Jetysý-4 yqsh., 16 úı, 8 yqsh, 3 úı. Bostandyq aýdany: «Araı» TK, Navoı k-si, 296 úı». Jetisý aýdany: Raıymbek dańǵyly, 247 úı, Aınabulaq yqsh., 89 úı. Medeý aýdany: Jibek joly k-si, 54 úı, Dýman-2 yqsh, 10 úı. Naýryzbaı aýdany: Taý samaly yqsh, Saǵdıev k-si, 50 úı, Taý samaly yqsh., Rysqulov k-si,129 úı. Túrksib aýdany: Ǵanıbet kóshesi, 27 b úı, Bekmahanov kóshesi, 2/6 úı.
