Almatyda «Jolda qabyldaý» aktsııasy ótip jatyr
ALMATY. 16 naýryz. QazAqparat /Ádilet Musahaev/ - Almaty qalasy ІІD Jol polıtsııasy basqarmasy «Jolda qabyldaý» aktsııasyn kezekti ret uıymdastyryp otyr.
Dástúrli sharany osy joly JPB-nyń qyzmetkerleri "Nur Otan" HDP-men birlesip ótkizýde.
"Shara barysynda jol polıtseılerimen túsindirme jumystar júrgizilip, azamattarǵa quqyqtyq keńestik kómek kórsetiledi, qalalyq jol polıtsııasy basshylyǵy jáne "Nur Otan" HDP-nyń ókilderi jurtshylyqty qabyldaıdy. Ótken jyldardyń tájirıbesi mundaı sharalardyń tıimdiligi men mańyzdylyǵyn kórsetti. Qalanyń jol ahýaly men ondaǵy máselelerdi bilip otyrý jáne halyqtyń kókeıindegi suraqtarǵa jaýap berý - atalǵan sharanyń basty maqsaty",-deıdi Almaty qalasy JPB bastyǵynyń orynbasary, polıtsııa polkovnıgi Muqan Dosymbaev.
Buǵan daıin ótkizilgen shara barysynda arnaıy jasaqtalǵan avtobýstardyń baǵyty daıyndalyp, olar iri bazarlarda, saýda ortalyqtarynyń mańy sııaqty adamdar kóp shoǵyrlanǵan jerlerde halyqty qabyldaǵan bolatyn. Sol sharalardyń qorytyndysy boıynsha ártúrli sýraqtarmen barlyǵy 3 myńnan asa azamat qabyldanyp, 3478 suraq-usynys kelip tússe, 2725 adam anketa toltyrýǵa qatysqan.
Búgingi shara boıynsha atalǵan quzyrly organdardyń ókilderi arnaıy jasaqtalǵan 4 avtobýspen tórt topqa bólinip, qaladaǵy Almaty-1, Almaty-2 temir jol vokzaldary men "RAMSTOR" saýda ortalyǵy jáne "Atakent" halyqaralyq kórme ortalyǵynyń mańynda bolyp, halyqtyń aryz, shaǵymdaryn jáne usynystaryn tyńdap, óz jaýaptaryn berdi. Atalǵan shara barysynda turǵyndardyń kópshiligi mektep, balabaqsha mańyna aıqyn kórinetin jol belgilerin qoıý kerektigin, jáne avtokólik júrýine qıyndyq týdyratyn kóshe boılaryna baǵdarsham qoıý sııaqty usynystaryn bildirip jatty.
