Almatyda jolaýshymen tóbelesken avtobýs júrgizýshisi reısten alyndy
ALMATY. QazAqparat - «Almatyelektrotrans» JShS avtobýs júrgizýshisi men jolaýshynyń tóbelesi túsirilgen vıdeoǵa qatysty aqparat berdi, dep habarlaıdy QazAqparat tilshisi.
«Búgin tańǵy saǵat 7:15-te №137 marshrýttyq avtobýsta júrgizýshi men jolaýshy arasynda kıkiljiń bolǵan. Júrgizýshi reısten alyndy» - delingen kompanııanyń málimetinde.
Atalmysh oqıǵa boıynsha avtopark tarapynan tekserý júrip jatyr. Sonyń qorytyndysy boıynsha tıisti sharalar qabyldanatyn bolady.
