Almatyda jolaýshylary bar avtobýs aǵashqa soǵyldy
ALMATY. QazAqparat - Almatyda jolaýshylar avtobýsy aǵashqa soǵylyp, birneshe jolaýshy jaraqat aldy, dep habarlaıdy QazAqparat tilshisi.
Qoǵamdyq kólik apaty Tólebı kóshesiniń boıynda Muqanov pen Shagabýtdınov kósheleriniń arasynda boldy.
Oqıǵaǵa kýágerleriniń aıtýynsha, ortańǵy jolda kele jatqan Mitsubishi Lancerdiń aldyndaǵy kólik kenet toqtaǵan soń júrgizýshi ońǵa burylǵan. Sol sátte joldyń eń shetinde óz jolaǵymen kele jatqan №119 avtobýs júrgizýshisi qaqtyǵystan qashamyn dep jol shetindegi aǵashqa baryp soǵylǵan.
Naqty qansha adam zardap shekkeni belgisiz. Oqıǵa kýágerleri keminde 5 jolaýshy jaraqattandy deıdi.
