Almatyda jolaýshylardyń 30%-y jolaqy tólemeýge tyrysady
ALMATY. QazAqparat - Almatyda qoǵamdyq kólik jolaýshylarynyń 30%-y jol aqysyn tólemeıdi. Bul týraly búgin Almatyda ótken baspasóz máslıhaty barysynda «Almatyelektrotrans» JShS dırektory Ǵanı Tájıev aıtty, dep habarlaıdy QazAqparat tilshisi.
«Qaı jaǵdaıda bolmasyn jol aqysyn tólegen durys. Bizdiń zertteýlerimizge sáıkes, jolaýshylardyń 30%-y jol aqysyn tólemeıdi. Avtobýstar toly bolǵan kezde tranzaktsııalar sanyna qarap ortasha statıstıka shyǵaramyz. Bizde baqylaý-revızııa qyzmetimen kelisimshart bar. Olar bizge apta saıyn esep berip turady. Baıqaǵanymyzdaı, jolaýshylar kóbinese jumysqa bararda ári qaıtarda jol aqysyn tólemeıdi», - dedi Ǵanı Tájıev.
Aıta ketý kerek, Almatyda jolaýshylardy tasymaldaýmen 14 avtopark aınalysady. Olardyń 1-eýi ǵana kommýnaldyq menshikte bolsa, 13-i jekemenshik. Qoǵamdyq kólikter 122 marshrýt boıynsha tasymaldaıdy.
