Almatyda jolaýshylar jıi shaǵymdanatyn qoǵamdyq kólik ıesimen kelisimshart buzylýda
ALMATY. QazAqparat - Almaty ákimdigi qysqa daıyndyǵy nashar tasymaldaýshylarmen kelisimshartty buzýǵa kiristi, dep habarlaıdy QazAqparat tilshisi.
Qalalyq Jolaýshylar kóligi jáne avtomobıl joldary basqarmasynan habarlaǵandaı, kóbinese turaqtylyq kestesin buzǵan, qysqa daıyndyǵy kóńil kónshitpeıtin tasymaldaýshylarǵa aıyppul salynyp, baǵdarlary basqa kompanııalarǵa berildi.
Bul joly da taıaqtyń ushy «Green bus» kompanııasyna tıdi. №30, №135 marshrýttar boıynsha jolaýshylar arasynda shaǵymdanýshylar óte kóp.
Soǵan baılanysty Jolaýshylar kóligi basqarmasy «Green bus» kompanııasymen kelisimshartty buzdy.
«Turaqtylyq kórsetkishiniń tómendigine baılanysty bul marshrýttar basqa tasymaldaýshylarǵa berildi», - dedi basqarma ókilderi.
Keshe ǵana ákimdik osy kompanııamen №37, №79 marshrýttarǵa qyzmet kórsetý boıynsha kelisimshartty buzǵanyn habarlaǵan edik.
Osyǵan baılanysty basqarma basshysynyń orynbasaryna qatań sógis jarııalandy.
Aıta keterligi, jyl aıaǵyna deıin Almatyda qoǵamdyq kóliktiń úlesi 87 paıyzǵa jetetin bolady. Ótken aptada qalaǵa taǵy 200 jańa avtobýs kelgen bolatyn. Onyń ishinde BRT jelisine 18 metrlik avtobýstar shyqty.
