Almatyda jolaýshylar jıi shaǵymdanatyn baǵdarǵa uzyn avtobýstar shyǵaryldy
ALMATY. QazAqparat - Ańyzǵa aınalǵan «garmoshka» avtobýstary Almaty joldaryna shyqty, dep habarlaıdy QazAqparat tilshisi.
Búgin Almaty ákimi Baýyrjan Baıbek №201 jańa magıstraldi baǵyt boıynsha jolǵa shyqqan syıymdylyǵy úlken nemese «garmoshka» dep atalatyn jańa avtobýstardy kórdi. Uzyndyǵy 18 metr, tómen edendi avtobýstar «Eýro-5» ekologııalyq talaptaryna saı keledi. Oǵan 150-den astam jolaýshy sııady. Avtobýs Tóle bı kóshesi boıymen ıAsaýı kóshesinen Shyǵys aınalma jolyna deıin barady.
Almaty qalasy Jolaýshylar kóligi jáne avtomobıl joldary basqarmasynyń bastyǵy Maqsut Isahov syıymdylyǵy úlken avtobýstar arqyly magıstraldy baǵyt ashý týraly sheshim ne úshin qabyldanǵanyn aıtty.
Onyń aıtýynsha, uzyndyǵy 14 shaqyrym bolatyn Tóle bı kóshesinde jolaýshylar legi joǵary. Tikeleı baǵyt bolmaǵandyqtan, qala turǵyndary tarapynan aryz-shaǵym kóp túsken.
Endi jańa avtobýstardyń 19-y jolǵa shyǵyp, bireýi rezervte bolady. Qozǵalystyń josparlanǵan ıntervaly - 6 mınýt, tańǵy saǵat 6-dan túngi 23.00-ge deıin qyzmet kórsetedi. Avtobýstar kondıtsıoner, vıdeobaqylaý, pandýspen jabdyqtalǵan, tórt esiktiń árqaısysynyń janyna «OŃAI» termınaly ornatylǵan. 
«Qazirgi ýaqytta atalǵan baǵytta jolaýshylar legi táýligine 10 myń adamǵa jetse, jańa 201-shi baǵdar arqyly 25 myńǵa deıin ósýi múmkin. Jańa baǵytt jolaýshylarǵa jaıly qyzmet kórsetip, tasymaldaýshylar qyzmetiniń sapasyn kóteredi degen úmittemiz», - dedi M.Isahov.
Almaty ákimi jańa avtobýstardyń joǵary ekologııalyq standarttarǵa saı ekenin jáne qalada qoǵamdyq kólikti gazǵa kóshirý jumystarynyń odan ári jalǵasyp jatqanyn aıtty.
«Ol úshin qajetti ınfraqurylym, maı quıý jáne servıs beketteri bolýy tıis, sondyqtan qazirgi kezde osy talaptardyń barlyǵyna jaýap beretin avtopark qurylyp jatyr», - dedi qala basshysy.
Buryndary Almatyda kólikti reformalaý aıasynda №22, 70, 86, 65, 103, 50, 126, 112 baǵyttary boıynsha jańa avtobýstar jolǵa shyǵyp, №77 baǵyt qaıta ashylǵan bolatyn.
Jalpy, Almatyda bıylǵy jyly syıymdylyǵy ártúrli 388 avtobýs satyp alýǵa qarjy bólingen edi, olardyń 185-i baǵdarlarǵa shyqqan bolatyn, qalǵan 203-i keler jyldyń basynda iske qosylady. Jeke tasymaldaýshylar da 254 jańa avtobýs aldy.
