Almatyda jolaýshylar kóliginiń 50-den artyq júrgizýshisi jol júrý erejesin buzǵany úshin ákimshilik jaýapkershilikke tartyldy

Buǵan ІІD JPB men Almaty qalasy boıynsha Salyq komıteti men jolaýshylar kóligi basqarmasy birlesip ótkizgen sharanyń barysynda qol jetkizildi, dep habarlady Almatynyń JPB baspasóz qyzmetinen.

«Jol polıtsııasy jumysyndaǵy negizgi basymdyqtardyń biri - júrgizýshilerdiń arasynda, ásirese, jolaýshylar tasymaldaıtyn kólik júrgizýshileriniń arasynda bolatyn quqyq buzýshylyqtardyń aldyn alý. Osy sanattaǵy júrgizýshilerge qatysty azamattardan túsken shaǵymdar men olarǵa degen suranysty eskere otyryp, jol qaýipsizdiginiń saqtalýyn qadaǵalaıtyn maqsatty aldyn alý sharalaryn ótkizýdi qolǵa aldyq. Baǵyttyq avtobýstardyń 29 júrgizýshisi ákimshilik jaýapkershilikke tartyldy. Sonyń ishinde beseýi - oraǵytyp ótkeni, altaýy - jolaýshylar tasymaldaýǵa ruqsat beretin kýáligi joqtyǵy, altaýy - kólikteriniń tehnıkalyq aqaýy barlyǵy, ekeýi - qıylystan ótý erejesin buzǵany, al 10-y basqa jol júrý erejelerin buzǵany úshin ákimshilik hattama toltyryldy», - dedi Almaty oblysy ІІD JPB basshysynyń orynbasary, podpolkovnık Jandos Muratalıev.