Almatyda jolaýshylar avtobýsynyń neden órtengeni belgili boldy
ALMATY. QazAqparat - Almaty qalalyq Tótenshe jaǵdaılar departamenti jolaýshylar avtobýsy ne sebepti otqa oranǵanyn aıtty, dep habarlaıdy QazAqparat tilshisi.
«4 maýsym kúni Medeý aýdanyndaǵy Nazarbaev dańǵylynyń boıynda avtobýs órtendi. Tekserý nátıjıesine sáıkes, órttiń shyǵýyna gaz júıesiniń isten shyǵýy sebep bolǵan. Júrgizýshi motordyń otqa oranǵanyń der kezinde anyqtap, salondaǵy 6 jolaýshyny evakýatsııalaý boıynsha sharalar qabyldady», - dedi Almaty qalasy TJD bastyǵynyń orynbasary Arman Baıgelov onlaın-brıfıng barysynda.
Eske salaıyq, ótken aptada Almatyda jolaýshylar avtobýsy órtenip, júrgizýshiniń qoly kúıip qaldy.
