Almatyda jolaýshylar avtobýsy otqa orandy
ALMATY. QazAqparat – Almtatyda ótken túnde «Jetisý» bazary aýmaǵynda jolaýshylar avtobýsy órtendi, dep habarlaıdy QazAqparat tilshisi.
Vıdeo áleýmettik jelide tarady.
Almaty qalalyq Tótenshe jaǵdaılar departamentiniń málimetinshe, 3 sáýirde túngi saǵat 23:10-da Túrksib aýdany, «Qaırat«shaǵynaýdany, 181/2 mekenjaıyndaǵy úıdiń mańynda 125-inshi baǵytta qatynaıtyn «Lıaz-529265» markaly avtobýs órtendi.
»Órt sóndirýshilerdiń alǵashqy bólimsheleri saǵat 23:16-da jetti. Jalyndy sóndirýge jáne avtobýs konstrýktsııasyn salqyndatý úshin dereý kóbigi bar oqpandar berildi. Qabyldanǵan sharalardyń arqasynda órttiń taraýy saǵat 23:19-da toqtatylyp, saǵat 23:22-de tolyq aýyzdyqtaldy. Oqıǵa sebebi anyqtalýda«, - dep habarlady TJD baspasóz qyzmetinen.
Qalalyq TJD kólik quraldary tez órtenetinin, nebary 2-3 mınýt ishinde ony tolyq joıyp jiberetinin eske salady. Sol sebepti kólikte órttiń alǵashqy belgileri paıda bolǵan kezde jolaýshylar esikterden nemese qosalqy shyǵatyn jerlerden dereý shyǵyp ketýi qajet.
Eske salsaq, aqpan aıynda Almatynyń Medeý aýdanynda da jolaýshylar avtobýsy órtengen bolatyn.
