Almatyda jolaýshylar avtobýsy kópirden qulady: bir adam zardap shekken
ALMATY. QazAqparat - Almatyda jolaýshylar avtobýsy kópirden qulady: bir adam zardap shekken. Onyń vıdeosy Instagram jelisinde jarııalandy, dep habarlaıdy QazAqparat tilshisi.
Jol apaty Saın - Raıymbek dańǵyldarynyń qıylysyndaǵy jolaıryqta bolǵan. Qazir oqıǵanyń egjeı-tegjeıi anyqtalyp jatyr.
Almaty densaýlyq saqtaý basqarmasynyń baspasóz qyzmetiniń málimetinshe, oń qoly aýyratynyn aıtyp bir adam medıtsınalyq kómekke júgingen.
«Túrkistan oblysynyń turǵyny №7 qalalyq aýrýhanaǵa jedel járdemmen jetkizildi. Oǵan shuǵyl medıtsınalyq kómek kórsetildi. Qazir ol ambýlatorlyq emdeýge jiberildi», - deıdi Almaty qalasy qoǵamdyq densaýlyq saqtaý basqarmasynyń basshysy Qanat Tósekbaev.
