Almatyda jolaýshylar avtobýsy avtokranmen soǵylyp, 5 adam zardap shekti
ALMATY. QazAqparat – Almatyda ál-Farabı dańǵyly boıynda avtokran men avtobýs soqtyǵysty. Nátıjesinde bes jolaýshy aýrýhanaǵa jetkizildi, dep habarlaıdy QazAqparat tilshisi.
Jol apaty bolǵan orynnan túsirilgen vıdeo jelide taraldy.
Qalalyq polıtsııa departamentiniń aldyn ala málimetinshe, jol apaty 16 maýsym keshki saǵat 17.00 shamasynda bolǵan. Kamatsu LW 250-5 markaly avtokran Golden Dragon markaly marshrýttyq avtobýspen soqtyǵysqan.
«Apat saldarynan avtobýstyń 5 jolaýshysy zardap shegip, medıtsınalyq mekemelerge jetkizildi. Oqıǵanyń mán-jaıy tekserilip jatyr», - dedi Almaty qalasy polıtsııa departamentiniń anyqtaý basqarmasynyń bastyǵy Oljas Sháripov.
