Almatyda jolaýshy avtobýs júrgizýshisine pyshaq suǵyp aldy
ALMATY. QazAqparat – Almatynyń qoǵamdyq kóliginde jolaýshy avtobýs júrgizýshisine pyshaq suǵyp aldy, dep habarlaıdy QazAqparat tilshisi.
Oqıǵa 29 qyrkúıek kúni saǵat 22:00 shamasynda Jandosov kóshesimen júrip kele jatqan №126 baǵyttaǵy avtobýsta boldy.
«Qoǵamdyq kólik júrgizýshisi jolaýshymen eregisip qalǵan. Saldarynan 28 jastaǵy avtobýs júrgizýshisi pyshaq jaraqatyn aldy. Ol medıtsınalyq mekemege jetkizildi. Tekseristen keıin úıine jiberildi. Bul fakti sotqa deıingi tergep-tekserýdiń biryńǵaı tiziliminde QR QK-niń 293-baby 3-bóligine sáıkes tirkeldi. Qylmysty ashý úshin arnaıy jedel-tergeý toby quryldy», - dep habarlady Almaty qalalyq Polıtsııa departamentinen.
Qazirgi ýaqytta kúdiktini anyqtaý jáne ony ustaý boıynsha jedel jáne arnaıy sharalar kesheni júrgizilýde.
Óz kezeginde, qalalyq Qoǵamdyq densaýlyq saqtaý basqarmasy júrgizýshi ambýlatorlyq em qabyldap jatqanyn aıtty.
