Almatyda jol júrý erejesin buzǵandarǵa «aıyppul tólendi» degen mór basyp beretin áıel ustaldy
ALMATY. 27 mamyr. QazAqparat - Almatyda avtokólik ıeleriniń «Ereje buzýshy kartasyna» aıyppul tólegeni týraly jalǵan mór basyp berip, aqsha jymqyryp kelgen áıel qylmys ústinde ustaldy.
Bul týraly qalanyń ІІD baspasóz qyzmeti habarlady.
Áıeldi tintý kezinde odan «Almaty q. ІІD JPB», «Almaly aýdany ІІB kezekshi bólimi» jáne Almaty q. ІІD JPB qyzmetkeriniń «tólendi» degen jazýy bar mórleri men 14 túrli tańbalar tárkilendi.
Áıel almatylyq turǵynnyń aryzy boıynsha qolǵa tústi. QR QK-niń 177 baby 1-bólimi boıynsha («Alaıaqtyq») qylmystyq is qozǵaldy. Endi ol 200-700 AEK kóleminde aıyppul tóleý, 180-240 saǵattyq qoǵamdyq jumysqa tartylý, 2 jylǵa túzeý jumystaryna jegilý, 3 jylǵa deıin bas bostandyǵyn shekteý nemese bas bostandyǵynan aıyrý sııaqty jazalardyń birine kesilýi múmkin.
Qazirgi kezde is QR QK-niń 192 baby («Jalǵan kásipkerlik») (2-5 myń AEK kóleminde aıyppul nemese múlkin tárkileı otyryp 3-7 jylǵa bas bostandyǵynan aıyrý) boıynsha Almaty qalasy, Bostandyq aýdanynyń ІІB-na jiberildi.
Ustalǵan áıel 1970 jyly týylǵan Ońtústik Qazaqstan oblysynyń týmasy. Qazir ol qylmystyq iz kesý organdaryna kelýge mindetteıtin qolhatpen úıine jiberildi.
