Almatyda jol júrý aqysy qymbattaı ma - basqarma jaýaby
ALMATY. QazAqparat - Almatyda qoǵamdyq kóliktegi jol júrý aqysy tasymaldaýshylardyń shyǵynyn aqtamaı jatyr. Bul týraly búgin baspasóz máslıhatynda qalalyq Jolaýshylar kóligi jáne avtomobıl joldary basqarmasynyń basshysy Maqsut Isahov aıtty.
Basqarma basshysynyń aıtýynsha, qazirgi tarıf - 80 teńge 2012 jyldan beri ózgermegen.
«Tasymaldaýshylarmen tikeleı jumys jasaıtyn adam retinde aıtaıyn, qazirgi 80 teńgelik tarıf olardyń shyǵynyn aqtamaı otyr. 2012 jyldan beri 6 jyl ótken. 6 jylda avtobýstardyń bólshek quraldary, avtobýstar qymbattady, janar-jaǵarmaı quny ósti. Jyl saıyn ınflıatsııa bolyp jatyr. Sondyqtan, jol aqysyn qymbattatý máselesi qazir talqylaýd», - dedi Maqsut Isahov.
Onyń aıtýynsha, 2012 jyldan beri Qazaqstannyń 6 qalasynda jol aqysy 3 ret kóterilgen. Almaty tarıf kóterilmegen - jalǵyz qala.
Jolaqysyn qymbattatý týraly qaýly shyǵýyna 2 aıdaı ýaqyt ketedi.
Eń aldymen máslıhatqa usynys berilmes buryn bul másele qoǵamdyq keńes talqysyna túsýi tıis. Odan keıin qalalyq kásipkerler palatasynda keńesten ótedi.
«Bul sheshim áli qabyldanǵan joq. Qarastyrylý ústinde. Tipti dál qazir qabyldanǵannyń ózinde qaýly shyǵyp, qoldanysqa enýine birneshe aı ýaqyt ótedi», - dedi M.Isahov.
