Almatyda jol jóndeý jumystaryna baılanysty keıbir qoǵamdyq kólikterdiń baǵyty ózgeredi
ALMATY. QazAqparat- Abaı dańǵylynda kólik qozǵalysy ýaqytsha shekteledi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, 1 shilde saǵat 00:00 men 06:00 aralyǵynda túngi ýaqytta qozǵalysty shektemeı, Abaı dańǵylynda avtobýs jolaǵyn jóndeý jumystary júrgiziledi. Al 1-3 shilde aralyǵynda saǵat 23:00 men 06:00 aralyǵynda Abaı dańǵylynyń boıy Nazarbaev dańǵylynan Dostyq dańǵylyna deıingi bóliginiń soltústik betinde jóndeý jumystarynyń júrgizilýine baılanysty kólik qozǵalysy shekteletin bolady. 2-3 shilde kúnderi atalǵan ýchaskede kólik qozǵalysy tolyǵymen toqtatylady.
Kólik qozǵalysynyń shektelýine baılanysty trolleıbýs marshrýttarynyń syzbalaryna ýaqytsha ózgerister engiziledi:
- №25 marshrýt – Abaı dańǵyly - Jeltoqsan kóshesiniń soltústigi - Gogol – Ortalyq saıabaq – Gogol kóshesiniń batys jaǵy - Naýryzbaı batyrdyń ońtústik jaǵy – Abaı dańǵylynyń batys jaǵy, odan ári marshrýt boıynsha;
- №11 jáne №19 marshrýttary Abaı dańǵylynyń shyǵysy - Jeltoqsan kóshesiniń soltústik jaǵy - Gogol kóshesiniń shyǵysy – Ortalyq saıabaq – Gogol kóshesiniń batysty – Qaldaıaqov kóshesiniń soltústigi - Jibek joly dańǵylynyń batysy - Pýshkınniń ońtústik jaǵy – Gogol kóshesiniń batysy - Naýryzbaı batyr kóshesiniń ońtústik jaǵy - Abaı dańǵylynyń batysy, odan ári marshrýt boıynsha;
- №9 marshrýt – Baıtursynov kóshesiniń soltústik jaǵy - Abaı dańǵylynyń shyǵysy – Jeltoqsannyń soltústigi - Gogol kóshesiniń shyǵysy – Ortalyq saıabaq – Gogol batys – Qaldaıaqov soltústik - Jibek joly dańǵylynyń batys jaǵy – Pýshkın kóshesiniń ońtústik jaǵy – Gogol kóshesiniń batysy - Naýryzbaı batyrdyń ońtústik beti - Qabanbaı batyr kóshesiniń batys jaǵy, odan ári marshrýt boıynsha.
«Jóndeý jumystary 2023 jylǵa arnalǵan jospar aıasynda júzege asyrylyp jatyr, keltirilgen qolaısyzdyqtar úshin keshirim ótinemiz jáne jol júrý baǵyttaryńyzdy aldyn ala josparlaýlaryńyzdy suraımyz», - dep habarlady Almaty qalalyq mobıldilik basqarmasynan.
