Almatyda jol jóndeý kezinde ótken ǵasyrdyń 30-34 jyldaryna jatatynyn kóne tastar tabyldy
ALMATY. Qazaqparat - Almatyda qurylysshylar kósheni qaıta jóndeý jumystary barysynda, asfalttyń birneshe qabatyn kóterip, kóne qalanyń kespe tas fragmentterin tapty, dep habarlaıdy QazAqparat tilshisi.
Almaty əkimi Baýyrjan Baıbek sáýletshiler men merdigerlik uıymdarǵa saqtalyp qalǵan tastardy iriktep alyp, Panfılov kóshesi boıyndaǵy jaıaý júrgin jolyn salǵan kezde paıdalanýdy tapsyrdy.
«Osynyń barlyǵy bizdiń qalamyzdyń tarıhy, biz olardy saqtaýǵa jáne kóbeıtýge tıispiz» - dedi Baýyrjan Baıbek.
Endi arhıtektorlar men jobalaýshylar kezdeısoq tabylǵan kóne tastardy paıdalaný úshin Panfılov kóshesin qaıta jasaý jobasyna ózgeris engizýdiń joldaryn qarastyrýda.
Sáýlet tarıhshysy Almas Ordabaev tabylǵan kóne tas ótken ǵasyrdyń 30-34 jyldaryna jatatynyn atty.
«Kespe tas burynǵy úkimet alańynyń jurnaǵy. Qazirgi kezde Júrgenev atyndaǵy óner akademııasy ornalasqan jer Almatydaǵy alǵashqy úkimet úıiniń aýmaǵy bolatyn. Bul keńistik ǵımarat aınalasyn ǵana emes, burynǵy Kırov, qazirgi Bógenbaı batyr kóshesin de qamtıdy. Keıin kespe tastar Kırov kóshesinen Fýrmanov kóshesine deıin tóseldi. Soǵystyń aldynda nemese soǵystan keıin be, kespe tastardyń bir bóligi Túrksib ǵımaraty men Jılkombınattyń qarsysyndaǵy Kırov kóshesinde qalyp qoıdy. ıAǵnı, Panfılov kóshesinen Fýrmanov kóshesine deıingi aýmaqta. Tabylǵan kespe tas Kırov kóshesine tóselgen tastyń qaldyǵy bolsa kerek. Bul - erekshe qyzyq arhıtektýralyq eskertkish. Eger kespe tasty burynǵy deńgeıinde qaldyrý múmkin bolmasa, ony astynan kóterý qajet», - dedi sáýletshi.
