Almatyda jol jıeginen alynǵan eski bordıýrler qaıta qoldanylatyn boldy
ALMATY. QazAqparat – Jol jıeginen alynǵan eski bordıýrlar qaladaǵy aýdandardy abattandyrý úshin qoldanylady. Bul týraly Almaty ákimdigi málim etti, dep habarlaıdy QazAqparat tilshisi.
«Joldardy ortasha jáne kúrdeli jóndeý kezinde jaramsyz bolyp qalǵan bordıýrlar bólshekteledi. Eski bordıýrlardyń basym bóligi qaıta paıdalanylady. Máselen, «Aınabulaq-1» jáne «Kókmaısa «shaǵynaýdandarynda ózen arqyly ótetin kópirdiń jan-jaǵyn abattandyrý jumystary júrgizilýde. Eski bordıýrlerdi sol jerde qoldandyq. Jaıaý júrginshilerdiń qozǵalysyn qamtamasyz etý úshin trotýar salynyp, plıtalar ornatyldy. Jumys barysynda Qazakov jáne Goncharova kóshelerin ortasha jóndeý kezinde bólshektelgen 700 bordıýr qoldanyldy. Sondaı-aq, qala alańdarynan alynyp tastalǵan eski trotýar plıtalary da qaıta qoldanylady»,–dep habarlady ákimdikten.
Jalpy, qalada bordıýrler buzylǵan kezde aýystyrylady. Jaramsyz bolyp qalǵan bordıýrler joıylady.
2020 jyly megapolıste uzyndyǵy 200 shaqyrym bolatyn 283 kóshede ortasha jóndeý jumystaryn júrgizý josparlanǵan. Onyń 25-de bordıýrler aýystyrylady.
