Almatyda jol jıeginde turǵan eki adamdy kólik qaǵyp ketti
ALMATY. QazAqparat - Almatyda jol boıynda taksı toqtatyp turǵan eki adamdy kólik qaǵyp ketti, dep habarlaıdy QazAqparat tilshisi.
Oqıǵaǵa kýá bolǵandardyń aıtýynsha, Audi kóliginiń júrgizýshisi burylysta rýlge ıe bola almaı qalyp, joldyń jıeginde mashına toqtatyp turǵan eki adamdy qaǵyp ketken. Júrgizýshi kóligi nelikten kenet isten shyqqanyn túsindire almady. Saldarynan bir adam oqıǵa ornynda kóz jumdy, ekinshisin aýyr halde jedel járdem kóligi alyp ketti.
Jol apatynyń mán-jaıyn polıtsııa qyzmetkerleri anyqtaıtyn bolady.
