Almatyda jol ústinde tóbelesken júrgizýshiler jaýapqa tartyldy (VIDEO)

ALMATY. QazAqparat - Almaty polıtsııasy ǵalamtorǵa jarııalanǵan beınejazbaǵa qatysty túsinikteme berdi, dep habarlaıdy qalalyq ІІD baspasóz qyzmeti.

Beınejazba avtory eki avtokólik júrgizýshileriniń arasyndaǵy tóbelesti túsirip alǵan. Tekserý sharalary kezinde oqıǵanyń 9 tamyz kúni, Jetisý aýdanyndaǵy Rysqulov dańǵylynda bolǵany anyqtaldy.

«Іstiń anyq-qanyǵyna kóz jetkizý úshin bizdiń bólimshedegi izdestirý bóliminiń qyzmetkerleri eki avtokólik júrgizýshisin Jetisý aýdandyq ІІB ákeldi. Jolda júrý erejesin buzǵany úshin olardy QR ÁQBK 597 baby, 1 bólimi, ıaǵnı kólik quraldaryn toqtatý jáne toqtap turý qaǵıdalaryn buzý boıynsha jaýapqa tartty. Júrgizýshiler bir-birine eshqandaı aıyp taqpaıtynyn, ary qaraı daýlasýdan bas tartqandaryn aıtty», - dep habarladyAlmaty qalalyq ІІD jergilikti polıtsııa basshysy, polıtsııa podpolkovnıgi Jasulan Baıkenov.