Almatyda jol tártibin buzǵan boryshkerlerden ákimshilik aıyptardy májbúrli túrde óndirý jumystary bastaldy

Bul mindetterdi ІІD JPB-nyń ákimshilik tájirıbe bólimi men sot oryndaýshylarynan quralǵan arnaıy jetildirlgen úsh top júzege asyratyn bolady. Munymen qatar, atalǵan jumystar boıynsha tıimdi nátıjelerge qol jetkizý úshin jol polıtsııasy tarapynan úsh evakýator kóligi men «Potok» júıesimen jaraqtalǵan ( «Potok» - avtokólikterdiń tasqyny arasynan memlekettik nómirleri arqyly avtokólikterdiń tehnıkalyq tekserýden ótpegen nemese salyq tólemegen, aıyppuldary bar tehnıka quraldaryn anyqtaıtyn júıe) úsh arnaýly «Gazel» kóligi paıdalanylýda.

«Atalǵan jumystar belgilengen tártip negizinde aıyppulyn ótemegen júrgizýshilerdi anyqtaýǵa baǵyttalyp otyr. Máselen, aıyppulyn tóleý merzimi ótip ketken júrgizýshilerge hattama toltyrylyp, ákimshilik sot oryndaýshylaryna tapsyrylady. Olar kólik ıesi tıisti aıyppulyn tólegenshe kólikti aıyp turaǵynda ustaý jóninde qaýly shyǵarady»,-dedi Jol polıtsııasy basqarmasy bastyǵynyń orynbasary polıtsııa polkovnıgi Muqan Dosymbaev.