Almatyda jol talǵamaıtyn kólik aýdaryldy
ALMATY. QazAqparat - Almatyda «Mersedes-benz G-500» kóligi aýdarylyp qaldy. Júrgizýshi jaraqat aldy, dep habarlaıdy QazAqparat tilshisi.
Apattyń vıdeosy áleýmettik jelide paıda boldy.
Almaty qalalyq Polıtsııa departamentiniń málimetinshe, jol-kólik oqıǵasy ótken túnde Baızaqov kóshesinde boldy.
«Daewoo Nexia» avtokóliginiń júrgizýshi Maqataev kóshesimen batys baǵytta kele jatyp Baızaqov kóshesiniń qıylysynda ońtústik baǵytta kele jatqan kólikke jol bermeı «Mercedes-benz G-500» kóligimen soqtyǵysqan. Atalǵan derek Almaly aýdandyq polıtsııa basqarmasynda tekserilip jatyr», - dedi Almaty qalalyq PD anyqtaý basqarmasynyń bastyǵy Oljas Sháripov.
Apat saldarynan jol talǵamaıtyn kólik júrgizýshisi túrli dene jaraqatymen №4 qalalyq klınıkalyq aýrýhanaǵa jetkizildi.
