Almatyda jol sapasyna baqylaý kúsheıtiledi – Saǵyntaev
ALMATY. QazAqparat- Baqytjan Saǵyntaev «Almaty» telearnasyndaǵy Akimat Live baǵdarlamasynyń tikeleı efıri barysynda joldardy jóndeý jumystary týraly aıtyp berdi, dep habarlaıdy QazAqparat tilshisi.
Onyń aıtýynsha, 20 sáýirdegi jaǵdaı boıynsha, 37 kóshede aǵymdaǵy jóndeý jumystary júrgizilýde, onyń ishinde 7-eýi magıstraldi, 30-y aýdandyq mańyzy bar kósheler men shaǵyn aýdandardyń ortalyq kósheleri. 150 aqaýly jáne 10 lıýkti, torly kósheler bar.
«3-19 sáýir aralyǵynda 376 kóshedegi jalpy alańy 42,2 myń sharshy metrdi quraıtyn 2573 aqaýly ýchaskeler jóndeldi, onyń ishinde 96-sy magıstraldi jáne 280-i aýdandyq mańyzy bar kósheler. Sonymen qatar 610 lıýk pen torlar jóndeldi. 19 sáýirde jalpy alańy 2,4 myń sharshy metr bolatyn oıly shuńqyrlar retke keltirildi. Joldardaǵy 86 aqaý joıyldy, 2 lıýk kóterildi»,- deıdi Almaty ákimi.
Sonymen qatar, ol júrgizilgen jumystardyń sapasyna baqylaýdyń kúsheıtilgenin atap ótti.
Aýdan ákimderi qala qurylysyn baqylaý basqarmasymen birge jóndelgen joldardy tekseretin bolady. Eger sapasy tómen bolsa, onda kemshilikterdi joıý talap etiledi. Sonymen qatar, barlyq kezeńderde asfaltbeton qospasynyń sapasyna baqylaý kúsheıtildi - óndiris úderisinen bastap asfalt jolǵa tóselgenge deıin. Qospany daıyndaý tehnologııasyna erekshe nazar aýdarylady»,- dedi ol.
Aýdan ákimderi turǵyndardyń ótinishterin eskere otyryp, aqaýly ýchaskelerdi anyqtaýdy jalǵastyrady. Aǵymdaǵy jóndeý jumystarynyń barlyǵy sáýirdiń sońyna deıin aıaqtalýy tıis.
Sonymen qatar, aıaldamalar, balalardyń oıyn jáne sport alańdary, oryndyqtar, jaryq baǵanalary men elektr jelileriniń jaǵdaılary turaqty baqylaýda bolady.
