Almatyda jol saqshylary «Qaýipsiz jol» aldyn alý is-sharasyn ótkizedi
ALMATY. Qazannyń 19-y. QazAqparat /Erlik Erjanuly/ - QR Іshki ister mınıstriniń nusqaýymen Almatyda «Qaýipsiz jol» atty aldyn alý is-sharasy ótkiziledi. Ol jol qozǵalysy erejeleriniń barlyq buzýshylyqtaryn anyqtaý men aldyn alýǵa baǵyttalǵan.
«Osy kúnderi jol polıtsııasynyń tolyqtaı jeke quramy kúsheıtilgen túrde qyzmet atqaratyn bolady. Aptalyqtyń basty maqsaty - jol qozǵalysy erejeleriniń saqtalýyna qatań nazar salý. Bul is-shara aıasynda basqarma qyzmetkerleri jolaýshylardy, avtokólikterdi, júk tasymaldaýdy júzege asyrý kezindegi qaýipsizdikti baqylaýǵa alyp, jaıaý júrginshilermen jasalatyn jol qozǵalysy erejeleri buzýshylyqtaryna tosqaýyl jasaıdy. Reıd barysynda jol polıtsııasy ınspektorlary avtobýs parkterin, avtoturaqtardy jáne basqa da tasymaldaý uıymdaryn qatań tekserýge almaq», deıdi qalalyq ishki ister departamenti Jol polıtsııasy basqarmasynyń bastyǵy Arman Sarbasov. Polıtsııa polkovnıginiń aıtýynsha, birqatar reıdtik sharalar da josparlanyp otyr. Máselen, mundaı jumystardyń keıbiri jol qozǵalysy erejeleriniń buzýshylyqtary boıynsha ishki ister organdary qyzmetkerleri ózindik qaýipsizdik qyzmeti men jeke quram boıynsha ınspektsııasymen birlesip júzege asyrylady. Sonymen qatar jol qozǵalysy erejelerin túsindirýge baǵyttalǵan túsindirme jumystary jastar men qoǵamdyq uıymdar birlestikteriniń qatysýymen avtokólik júrgizýshileri jáne jol qozǵalysynyń basqa da qatysýshylary arasynda ótkiziletin bolady.
