Almatyda jol polıtsııasy jolaýshylar tasymaldaý avtokólikterindegi apatty jaǵdaılardyń aldyn alý úshin kezekti «Avtobýs» is-sharasyn bastady
ALMATY. Jeltoqsannyń 23-i. QazAqparat /Erlik Erjanuly/ - Búgin Almatyda jol polıtsııasy jolaýshylar tasymsaldaý avtokólikterindegi apatty jaǵdaılardyń aldyn-alý maqsatynda 5-shi «Avtobýs» is-sharasy bastaldy,
dep habarlaıdy QazAqparat
«Jeltoqsanyń 27-sine deıin sozylatyn bul sharaǵa jol polıtsııasy basqarmasynyń barlyq jeke quramy jumyldyrylýda. Qazirgi tańda Almaty qalasynda 12 myńnan astam avtobýs kólikteri tirkeldi. Olardyń basym bóligi qala kóshelerinde kúndelikti qozǵalysta jol qaýipsizdigi erejelerin buzady. Bul is-shara kezinde zańdy tulǵalar men jeke kásipkerlerdiń jolaýshylar tasymalyn júzege asyratyn jáne uıymdastyrýyn retteıtin normatıvti quqyqtyq aktilerdi oryndamaýy, avtobýs júrgizýshileriniń tómen tártibi men mamandyqtarynyń saı kelmeýi, eńbek pen demalystyń tártibin buzý sııaqty jáıtterge basa nazar aýdarylady. Óıtkeni kórshiles memleketterden keletin júrgizýshilerdiń kóbisi óz mamandyqtaryn jete bilmeýinen jol qaýipsizdiginde apatty jaǵdaılardy týyndatýda», deıdi Almaty qalasynyń ІІD Jol polıtsııasy basqarmasy bastyǵynyń orynbasary Muqan Dosymbaev. Polıtsııa polkovnıginiń aıtýynsha, ótken 11 aıdyń ishinde qalada jolaýshylar avtokólikterdiń qatysýymen 136 jol-kólik oqıǵasy oryn alyp, onyń keıbiri qaıǵyly jaǵdaımen aıaqtaldy. Jalpy «Avtobýs» is-sharasy buǵan deıin 4 ret ótip, onda jol qozǵalysy erejesin buzýdyń 6 myńnan asa faktisi tirkeldi. Sondaı-aq avtobýsty mas kúıinde basqarǵan 45 júrgizýshi ustalǵan bolatyn.
