Almatyda jol polıtseıleri «Avtobýs» jedel aldyn alý is-sharasyn qorytyndylady
ALMATY. Qańtardyń 5-i. QazAqparat /Ádilet Musahaev/ - Jeltoqsannyń 23-30-y kúnderi aralyǵynda almatylyq jol polıtseıleri «Avtobýs» jedel aldyn alý is-sharasyn ótkizip, jol qozǵalysy erejesin 1 317 ret óreskel buzýshylyqty anyqtaǵan,
dep habarlaıdy QazAqparat ІІD Jol polıtsııasy basqarmasy baspasóz qyzmetine silteme jasap.
«Atalmysh is-shara jolaýshylar tasymaldaý avtokólikterinde apattyq jaǵdaılardy boldyrmaý jáne onyń aldyn alý maqsatynda ótkizilgen bolatyn. Shara barysynda jolaýshylar tasymaly tártibin buzǵan jalpy 35 avtobýs júrgizýshisi qolǵa tústi. Basyp ozý men manevr jasaý boıynsha - 199, qarama-qarsy baǵytqa shyǵý - 19, apattylyq jaǵdaıdy týǵyzý - 8, tirkeý qujattarsyz avtokólikti basqarý - 14. Arnaıy aıyp turaǵyna 8 avtobýs qoıyldy», - deıdi Jol polıtsııasy basqarmasynyń bastyǵy, polıtsııa polkovnıgi Arman Sarbasov.
Aldyn alý sharasy barysynda jol ınspektorlary avtobýsty mas jáne esirtki tartqan kúıde basqarǵan júrgizýshini de ustaǵan.
«Tańǵy ýaqytta Almaty qalasy ІІD jol polıtsııasy ınspektorlarymen Almaty men ıAsaýı kósheleriniń qıylysynda 52 baǵyttaǵy avtobýs toqtatylǵan bolatyn. Onyń qujattaryn tekserý kezinde jol saqshylary toqtatylǵan avtobýs júrgizýshisiniń masań kúıde turǵanyn baıqady. Sot-medıtsınalyq saraptama polıtseılerdiń kúdigin rastady. 52 baǵyttaǵy avtobýs «TransServıs» JShS-ine tıesili. Onyń ústine, baǵyttyq paraqta atalǵan júrgizýshi tańǵy saǵ. 06.35-te tehnıkalyq jáne medıtsınalyq baıqaýdan ótti dep jazylǵan. Ókinishke qaraı, mundaı jaǵdaılar jıi oryn alýda. Aıta ketetin jaıt, qoǵamdyq kólik júrgizýshilerdi mas kúıinde baǵyt boıynsha jiberetin laýazymdy tulǵalar da ákimshilik jaýapkershilikke tartyldy, operatsııa barysynda 6 laýazymdy tulǵa ustaldy, sonyń ishinde 3 birinshi basqarýshylar bolyp otyr. Birneshe ýaqyttan keıin Shańyraq yqshamaýdanynda 45 jáne 103 baǵyt boıynsha qozǵalǵan eki júrgizýshi nashaqorlyq mastyqta ustaldy. Sot-medıtsınalyq saraptama dáleldegendeı, bul eki júrgizýshi esirtki zattaryn qabyldaǵan. Ákimshilik hattama toltyrylyp, avtobýstar aıyp turaǵyna qoıyldy», - deıdi polıtsııa polkovnıgi A. Sarbasov.
Esterińizge salsaq, jyl basynan beri Almaty qalasynyń ІІD Jol polıtsııasy basqarmasymen «Avtobýs» is-sharasy osymen 5-shi ret ótkizilip otyr. Buǵan deıin ótkizilgen atalmysh is-sharanyń nátıjesinde jol polıtseılerimen Jol qozǵalysy erejesiniń 6 myńnan asa buzýshylyǵy anyqtalsa, sonyń ishinde avtobýsty mas kúıinde basqarǵan 45 júrgizýshi ustalǵan bolatyn.
