Almatyda jol qozǵalysyn buzǵan júrgizýshisi jazalandy

ALMATY. QazAqparat - Almaty joldarynda zańsyzdyqqa jol bergen «Toyota Camry» júrgizýshisi jaýapqa tartyldy, dep habarlaıdy QazAqparat tilshisi.

Almaty polıtsııasy jol qozǵalysy erejelerin buzý faktisin tirkegen vıdeoǵa qatysty túsinikteme berdi.

«Quqyq buzýshy 21 jastaǵy azamat bolyp shyqty. Ol jaýapkershilikke tartyldy. Ákimshilik quqyq buzýshylyq jasaǵany úshin 595-baptyń, 1-bóligi, 602-baptyń, 1-1 bóligi, 606-baptyń 1-bóligi jáne 620-baptyń 1-bóligi boıynsha jaýapqa tartyldy. Oǵan qatysty segiz elektrondyq hattama toltyryldy»,- dedi Almaty qalalyq ІІD basshysynyń orynbasary Rýstam Ábdirahmanov.

Onyń aıtýynsha, ekinshi kóliktiń júrgizýshisine qatysty tekserý jalǵasyp jatyr.