Almatyda jol qozǵalysy erejelerin buzýdyń eń kóp taralǵan túri anyqtaldy
ALMATY. QazAqparat – Almatyda «Qaýip jol» aktsııasy ótip jatyr. Polıtseıler jol qozǵalysy erejeleriniń saqtalýyn jiti nazarǵa alyp, baqylaýdy kúsheıtti, dep habarlaıdy QazAqparat tilshisi.
«Polıtsııa apattyq jaǵdaıdy azaıtýda jol-kólik oqıǵalarynyń aldyn alýǵa, oǵan qatysýshylar arasynda jol qaýipsizdigi talaptarynyń saqtalýyn baqylaýǵa, jol qaýipsizdigin qamtamasyz etýge, sondaı-aq qylmystar men basqa da zańsyzdyqtardyń ýaqtyly aldyn alý men jolyn kesýge erekshe nazar aýdarady. Shahar joldarynda is-shara bastalǵannan beri barlyǵy 6205 jol erejesin buzý anyqtaldy»,– dedi Almaty qalalyq Polıtsııa departamenti bastyǵynyń orynbasary Nurlan Almasbekov.
Jolda eń jıi kezdesetin zań buzýshylyqtar:
- 593-bap 1-bólim (qaýipsizdik beldigin qoldanbaý) 1317;
- 615-bap (jaıaý júrginshiler) 1155;
- 595-bap (manevr jasaý erejelerin buzý) 939;
- 590-bap 9 bólim (tehnıkalyq baqylaýdan ótpegen KQ basqarý) 758;
- 591-bap (KQ basqarý kezinde telefonmen sóılesý) 754;
- 606-bap (apattyq jaǵdaı týdyrý) 466;
- 600-bap (jaıaý júrginshilerdiń qozǵalysyna basymdyq bermeý) 326;
- 599-bap (baǵdarshamnyń tyıym salynǵan belgisine ótý) 160;
- 608-bap (mas kúıinde KQ basqarý) 106;
- 590-bap 7-bólim (zańsyz qaıta jabdyqtaý) 77;
- 612-bap 1-bólim (basqarýǵa quqyqy joq adamnyń KQ basqarýy) 69;
- 596-bap 3-bólim (qozǵalystyń qar jolaǵyna shyǵý) 38;
- 607-bap (temir jol joldarynyń ótkelinen ótý erejesin buzý) 19;
- 590-bap 4-bólim (jalǵan MTNB KQ basqarý) 19;
- 612-bap 3-bólim (basqarý quqyǵynan aıyrylǵan adamnyń KQ basqarýy) 13.
Shara barysynda aıyppul turaǵyna - 959 kólik qoıyldy.
