Almatyda jol-kólik oqıǵasynyń saldarynan áıel adam kóz jumdy
ALMATY. 22 shilde. QazAqparat - Almatyda keshe túnde «Nıssan Tsıfero» avtokóligi «Mıtsýbısı Montero Sport» mashınasymen soqtyǵysyp qaldy,
dep habarlaıdy qalanyń ІD baspasóz qyzmetinen.
Belgili bolǵandaı, «Mıtsýbısı Montero Sport» kóliginiń júrgizýshisi rólge mas kúıinde otyrǵan. Jol-kólik oqıǵasynyń saldarynan 1976 jyly týǵan áıel qaza boldy jáne 6 adam, sonyń ishinde bir bala zardap shekti.
Oqıǵanyń oryn alýyna sebepker bolǵan aıypty da aýrýhanaǵa jetkizildi. 296-baptyń 2-tarmaǵy boıynsha qylmystyq is qozǵaldy (5 jylǵa deıin bas bostandyǵynan aıyrý, oǵan qosa 3 jylǵa deıin júrgizýshi kýáliginen aıyrý).
