Almatyda jol-kólik oqıǵasy ornynan qashyp ketken júrgizýshi izdestirilýde
ALMATY. 20 tamyz. QazAqparat - Almatyda jol-kólik oqıǵasy ornynan qashyp ketken júrgizýshi izdestirilýde. Adam ólimine ákelip soqtyrǵan kólikpen qaǵyp ketý oqıǵasy keshe №3 trolleıbýs parkine qarama-qarsy jerde boldy,
dep habarlady qalalyq ІІD-niń baspasóz qyzmetinen.
«Júrgizýshiniń jaýapsyzdyǵy saldarynan Almaty joldarynda adam ólimine ákelip soqtyrǵan taǵy bir qaıǵyly oqıǵa boldy. 1961 jylǵy Almaty turǵyny belgisiz kóliktiń dóńgeleginiń astynda qaldy. Qashyp ketken júrgizýshi jáne onyń kóligi kúsheıtilgen izdeýde, jedel-izdeý sharalaryna saptyq qurylymdardyń jeke quramy men qalalyq ІІD-niń qosymsha kúshteri jumyldyryldy», - dep málimdedi qalalyq ІІD Jol polıtsııasy basqarmasynyń jedel-izdeý jasaǵynyń bastyǵy, podpolkovnık Rashıd Ahmetqazın.
Almaty qalalyq jol polıtsııasynyń basqarmasy oqıǵa kýágerlerin jáne qandaı da bir aqparat biletinderdi júrgizýshi jáne onyń kóligin izdeýde azamattyq belsendilik tanytýǵa shaqyrady. Kez kelgen aqparatty 254-45-05, 253-02-22, 253-04-10 nómirlerine, 8-701-718-90-47, 8-701-111-59-19 uıaly telefon nómirlerine nemese 102 nómirine habarlasyp aıtýǵa bolady.
