Almatyda jol ınfraqurylymyn qalpyna keltirý jumystary bastaldy
ALMATY. QazAqparat - Almatyda jappaı tártipsizdikten keıingi kóshe-jol jelisin qalpyna keltirý jáne tekserý jumystary júrip jatyr, dep habarlaıdy QazAqparat tilshisi.
Júrgizilgen tekserý qorytyndysy boıynsha qalanyń kóshe-jol jelisinde Almaty Arena aýdanynda jáne Nazarbaev dańǵyly men Dostyq dańǵyly, Sátbaev kóshesi boıynda jańa alańda bólshektelgen quımatastardan 2 myńnan astam oryn anyqtalǵan.
Qazirgi ýaqytta 80 jumysshy, 30 arnaıy tehnıka shyǵaryldy.
Sondaı-aq, 120-dan astam jol belgileri zaqymdalǵany anyqtaldy. Búginde olardyń 80-i qalpyna keltirildi. Sonymen qatar, qalada baǵdarsham nysandaryn qalpyna keltirý jumystary bastaldy.
Buǵan deıin qalada 40-tan astam baǵdarsham zaqymdalǵany týraly jazǵan bolatynbyz.
Qaıta qalpyna keltirý jumystarynyń smetalyq quny 72 mln teńge.
