Almatyda jol erejesin buzǵandarǵa 4 mlrd teńge aıyppul salyndy
ALMATY. QazAqparat – Almatyda jyl basynan beri 650 myń adam jol erejesin buzǵany úshin ákimshilik jaýapkershilikke tartylǵan, dep habarlaıdy QazAqparat tilshisi.
Jol erejesin buzǵandar qala kóshelerindegi jol apatyna túrtki bolyp otyr.
«Bıyl 8 aıda QR Jol qozǵalysy erejesin buzǵany úshin 654 myń 378 adam jaýapkershilikke tartyldy. Olarǵa 4 mlrd 364 mln teńge aıyppul salyndy. Aýdanaralyq mamandandyrylǵan ákimshilik sotyna 8 myń 534 ákimshilik is materıaldary jiberildi. 1 myń 267 adam júrgizýshi kýáliginen aıryldy. 816 adam qamaýǵa alyndy», - dedi PD Ákimshilik polıtsııa basqarmasynyń basshysy Jandos Muratalıev.
