Almatyda jol erejesin buzǵan júrgizýshi polıtseıdi soqqyǵa jyqty
ALMATY. QazAqparat - Almatyda Túrksib aýdandyq sotynda 27 jastaǵy avtojúrgizýshige qatysty qylmystyq is qaraldy. Er adam polıtsııa qyzmetkerin soqqyǵa jyqqany úshin aıyptaldy, dep habarlaıdy QazAqparat tilshisi.
Іs materıaldaryna sáıkes, bıyl shildede er adam áýejaı avtoturaǵynda turyp, jol erejesin buzǵan. Muny baıqaǵan kezekshi polıtsııa qyzmetkeri júrgizýshini toqtatyp, qujatyn kórsetýdi talap etken.
Alaıda, júrgizýshi oqıǵa ornyna taıyp turmaq bolǵan. Sol sátte polıtsııa qyzmetkeri óziniń kóligimen Lexus kóligin shyǵarmaı, bógep qalǵan.
«Er adam kóligin buram degende basqa kólikti soǵyp ketken. Sodan soń kólikten túse sala polıtsııa qyzmetkerin 3-4 ret uryp jibergen. Tóbeles shyǵarǵan er adamdy sol jerdegi polıtsııa qyzmetkerleri ustap aldy», - dedi sot qaýlysynda.
Sottalýshy sotta óziniń kinásin tolyǵymen moınyna aldy. Polıtsııa qyzmetkeri bolsa, ózin urǵan er adamdy keshirgenin aıtyp, qylmystyq isti toqtatýdy surady.
Sot QR QK 380-babymen qozǵalǵan qylmystyq isti qaraýdy toqtatty.
