Almatyda jol erejesin buzǵan azamatqa 29 hattama toltyryldy
ALMATY. QazAqparat - Almatyda jol erejesin óreskel buzǵan 22 jastaǵy jigitke 500 myń teńgeden astam aıyppul salyndy, dep habarlaıdy QazAqparat tilshisi.
Qalalyq polıtsııa departamentiniń málimetinshe, ál-Farabı dańǵylynyń boıymen jyldamdyqty asyryp júrgen jas jigit bir mezette 29 ret zań buzǵan.
«Jergilikti polıtsııanyń izdestirý bóliminiń qyzmetkerleri tekserý júrgizip, nátıjesinde ál-Farabı dańǵylymen shyǵys baǵytta kele jatyp, jol qozǵalysy erejelerin óreskel buzǵan BMW avtokóliginiń júrgizýshisi anyqtaldy. Oǵan QR Ákimshilik-quqyq buzýshylyqtyń 595-baby 1-bóligi boıynsha 27 hattama jáne 606-baby 1-bóligine sáıkes 2 hattama toltyryldy. Salynǵan aıyppuldyń jalpy somasy 534 myń 750 teńge», -dedi, Almaty qalalyq PD jergilikti polıtsııa qyzmeti basqarmasynyń bastyǵy Erjan Uzabaev.
Polıtsııa ókiliniń sózinshe, almatylyq júrgizýshi tek jol erejesin buzyp qana qoımaı, bul áreketin uıaly telefonǵa túsirip, áleýmettik jelige taratqan.
