Almatyda jol erejesin buzǵan avtobýs júrgizýshileri emtıhanǵa jiberiledi
ALMATY. QazAqparat - Almaty polıtsııasy qoǵamdyq kólik júrgizýshilerine qoıylatyn talapty kúsheıte tústi, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, jol erejesin ekinshi ret buzǵan avtobýs júrgizýshileri QR ÁqbK 58-babyna sáıkes qaıta emtıhanǵa jiberiletin bolady.
Eger, júrgizýshi emtıhannan óte almasa, is materıaldary sotqa jiberilip, oǵan kólik tizgindeýge tyıym salynady.
Búginde Almatyda 1 myń 500 avtobýs 120 shaǵyn avtobýs qyzmet etedi, olardyń ishinde 1000-ǵa jýyq avtobýs qala ishinde jolaýshy tasymaldaıdy.
«Almatyda jol erejesin buzý derekteriniń 15 paıyzy avtobýs júrgizýshileriniń kesirinen bolady. Bul san polıtsııanyń alańdaýshylyǵyn týǵyzyp otyr. Sondyqtan, júrgizýshilerdiń bul kategorııasyn únemi erekshe baqylaýda ustaýǵa tyrysamyz. Sol sebepti Almatyda arnaıy aptalyq bastaldy. Qoǵamdyq kólikterdiń tehnıkalyq jaǵdaıy tekserilip jatyr», - dedi Almaty Polıtsııa departamentiniń basqarma basshysynyń orynbasary Erkin Ótegenov.
Almatyda bıyl 298 jol apatyna avtobýstyń qatysy bolǵan. Sonyń saldarynan 4 adam qaza bolyp, 381 adam jaraqat aldy. Onyń ishinde 224 jol apaty júrgizýshilerdiń kesirinen boldy.
