Almatyda jol apatynda egde jastaǵy júrgizýshi kóz jumdy
ALMATY. QazAqparat - Almatyda jol apatynda zardap shekken Volkswagen Passat kóliginiń 66 jastaǵy júrgizýshisi kóz jumdy, dep habarlaıdy QazAqparat tilshisi.
Jol apaty Soltústik aınalma jolynda bolǵan. Ońtústikke baǵyt alǵan Volkswagen Passat júrgizýshisi qarama-qarsy baǵytta kóliktiń bar-joǵyna kóz jetkizbeı burylǵan. Sol kezde oǵan Honda kelip soǵylady.
Qatty soqqy saldarynan japondyq kólik jol shetine shyǵyp ketip, aǵashtarǵa soǵyldy.
Jol apatynan 4 adam zardap shekti. Medıtsınalyq kómek kórsetilgen Honda júrgizýshisi men eki jolaýshysy aýrýhanaǵa jatýdan bas tartty.
Al, aýrýhanaǵa jetkizilgen Volkswagen kóliginiń 66 jastaǵy júrgizýshisi kóz jumǵany belgili boldy
