Almatyda jol apatynda baıker jaraqat aldy
ALMATY. QazAqparat - Almatyda jol apatynan baıker jaraqat aldy, dep habarlaıdy QazAqparat tilshisi oqıǵa ornynan. Jol apaty Jandosov kóshesiniń boıynda bolǵan.
Atalǵan kóshemen batysqa baǵyt alyp kele jatqan Neksııa kóligi qarama-qarsy baǵytta kele jatqan baıkermen soqtyǵysqan. Saldarynan mototsıkl júrgizýshisi jaraqat alyp, oqıǵa ornyna jetken jedel járdem ony aýrýhanaǵa jetkizdi.
Neksııa júrgizýshisiniń aıtýynsha, baıker qaram-qarsy baǵytqa shyǵyp ketken. Al mototsıkl júrgizýshisi «Neksııanyń erejeni óreskel buzyp, qos syzyqtan burylmaq boldy» dedi. Jol oqıǵasynyń anyq-qanyǵyn polıtsııa anyqtap jatyr.
