Almatyda jol apatynda 7 kólik soqtyǵysty
ALMATY. QazAqparat - Almatyda jol apatynda 7 kólik soqtyǵysty, dep habarlaıdy QazAqparat tilshisi.
Jol apaty ál-Farabı men Mustafın kósheleriniń qıylysynda bolǵan.
Toyota Land Cruiser Prado ál-Farabı kóshesiniń oń jaq shetinde bolǵan. Audi Q7 kóligi orta qatardaǵy jolaqta odan sál qalys júrip kele jatqan.
Kýá bolǵandardyń aıtýynsha, osy sátte joǵary jyldamdyqpen Mercedes-Benz S-class osy eki kóliktiń arasynan, qystyrylysyp ótip ketpek bolǵan.
Alaıda, ol Audi Q7 kóligin qaǵyp ketti. Qatty soqqydan Audi ońǵa qaraı ushyp baryp, Prado-ny soqqan.
Al Mercedes solǵa ketip, Toyota Camry kóligin soqty.
Joıqyn soqqydan Toyota Camry men Mercedes-Benz-tiń aldyńǵy dóńgelekteri julynyp qaldy.
Mercedes-Benz toqtaı almaı ekpinmen kelip Suzuki SX4 kóligin soqty.
Toyota Camry júrgizýshisiniń aıtýynsha, ol apattan soń kenet tejegishti basqanda art jaǵynda kele jatqan Daewoo Nexia toqtap úlgermeı onyń artynan soǵylǵan.
Qazir jol apatynan zardap shekken 3 adam aýrýhanada jatyr.
