Almatyda jol apatynan júkti áıel zardap shekti
ALMATY. QazAqparat - Almatyda bolǵan jol apatynyń saldarynan júkti áıeldi aýrýhanaǵa jetkizý qajet boldy, dep habarlaıdy QazAqparat.
Oqıǵa Jumabaev pen Jansúgirov kósheleriniń qıylysynda boldy. «Honda» markili kóligi Jansúgirov kóshesinen soltústikke qaraı bet alǵan, «Toıota» kóligi Jansúgirov kóshesiniń boıymen ońtústikke qaraı jyljyp bara jatqan. «Toıota» Jumabaev kóshesinen solǵa burylmaq bolǵan, sol sátte «Honda» ony búıirinen soqqan. Soqqydan «Toıota» aınalyp kelip, Jumabaev kóshesinen batysqa qaraı bet alyp bara jatyp, baǵdarshamnyń qyzyl túsine toqtaǵan «Kıa» kóligine soqtyǵysqan.
«Honda» kóliginde otyryp zardap shekken áıeldi aýrýhanaǵa jetkizý qajet boldy. Keshirek osy kóliktiń júrgizýshisin de jedel járdem kóligi alyp ketti.
