Almatyda jol apatynan júkti áıel men bala zardap shekti
ALMATY. QazAqparat - Almatyda júk kóligi men jeńil mashınanyń soqtyǵysýynan úsh adam zardap shekti. Olardyń arasynda júkti áıel men 9 jasar bala bar, dep habarlaıdy QazAqparat tilshisi.
Jol apaty Tóle bı jáne Qasteev kósheleriniń qıylysynda, Ortalyq mádenıet jáne demalys saıabaǵyna jaqyn mańda bolǵan. Jeńil kólik Shyǵys aınalma jolyna qaraı kele jatqan. Kenetten Qasteev kóshesinen Tóle bı kóshesine KamAZ júk kóligi shyqqan. Saldarynan jeńil mashına kóptonnaly kóliktiń dóńgelegine soǵylǵan.
Oqıǵaǵa kýá bolǵandardyń aıtýynsha, jol apatynan kólikte bolǵan úsh adam zardap shekti - júrgizýshi, onyń júkti áıeli jáne 9 jasar balasy. Barlyǵy aýrýhanaǵa jetkizildi.
