Almatyda jol apatynan jaraqat alǵandardyń jaǵdaıy belgili boldy
ALMATY. QazAqparat - Almatyda keshe túnde kóktaıǵaqta birneshe kólik soqtyǵysýynan 7 adam zardap shekken. Bul týraly qalalyq Densaýlyq saqtaý basqarmasynyń baspasóz qyzmeti habarlady.
Baspasóz qyzmetiniń habarlaýynsha, jol apatynan 7 adam jaraqat alǵan, onyń tórteýi bala.
«Oqıǵa ornyna 3 jedel járdem brıgadasy baǵyttaldy. Jaraqat alǵandardyń beseýi №7 qalalyq aýrýhanaǵa jetkizildi. Dárigerler olardy teksergen soń ambýlatorııalyq emdelýdi belgilep úılerine qaıtardy. Al eki bala balalarǵa shuǵyl medıtsınalyq kómek kórsetý ortalyǵyna jetkizildi», - dep habarlady basqarmadan.
Mamandardyń aıtýynsha, balalar da birqatar tekserýden soń ambýlatorııalyq em qabyldaýǵa úılerine qaıtaryldy.
Aıta ketý kerek, jol apaty B.Momyshuly kóshesi men Raıymbek dańǵylynyń boıyndaǵy jolaıryqta bolǵan edi.
Aıta keteıik, keshe tań ata Almatyda qar jaýyp, tústen keıin ol údeı túsken. Qar tek keshkisin saǵat 6-lardyń shamasynda ǵana baıaýlaǵan.
