Almatyda jol apatynan japa shekken 3 bala jansaqtaý bólimine tústi
ALMATY. QazAqparat - Almatyda keshe jantúrshigerlik jol apatynan japa shekken jolaýshylardyń jaǵdaıy týraly dárigerler aıtyp berdi, dep habarlaıdy QazAqparat tilshisi.
Jol apaty Qapshaǵaı-Almaty baǵytynda, Belınskıı kóshesinde bolǵan edi.
Oqıǵa ornynan 8 adam, onyń ishinde 4 bala aýrýhanalarǵa jetkizildi.
Balalardyń barlyǵy «Balalarǵa shuǵyl medıtsınalyq kómek kórsetý ortalyǵyna» jetkizildi.
3 bala qazir jansaqtaý bóliminde jatyr. Bir balaǵa shuǵyl túrde ota jasaldy. Balalar mı shaıqalýy, túrli soqqy, bas jarylýy dıagnozymen kelip tústi.
Olardyń jaǵdaıyn dárigerler orta dárejede dep baǵalap otyr.
Jol apatynan japa shekken taǵy 3 jolaýshy №4 aýrýhanaǵa jetkizilgen bolatyn.
Olardyń bireýi jaǵdaıy óte aýyr bolǵandyqtan, jansaqtaý bóliminde qarqyndy terapııa qabyldap jatyr.
Qalǵan eki jolaýshy túrli synyq-jaraqattarmen arnaıy bólimderge jatqyzyldy.
Soqqydan jaraqat alǵan taǵy bir patsıent Ortalyq klınıkalyq aýrýhanada jatyr.
Aıta ketý kerek, jol apaty keshe Almaty - Qapshaǵaı jolynda bolǵan edi. Jol apatynan segiz adam zardap shegip, bir adam qaza boldy.
Volkswagen júrgizýshisiniń sózine qaraǵanda, ol Belınskıı kóshesimen Qapshaǵaıǵa qaraı bet alyp kele jatqan. Oń jaǵynan úlken jyldamdyqpen Subaru júıitkip, ózge kólikterdi basyp ozǵan. Kenetten japondyq kóliktiń júrgizýshisi rýlge ıe bola almaı qalyp, jol ústinde aınala bastaǵan. Ol Volkswagen-di soǵyp, keıin qarsy jolǵa shyǵyp ketip, Toyota Camry-men túıisken. Jol apaty saldarynan toǵyz adam: Subaru kóliginiń júrgizýshisi men jolaýshysy, Toyota Camry-de bolǵan úsh eresek jáne tórt bala zardap shekti. Olardyń barlyǵy jaqyn mańdaǵy aýrýhanaǵa jetkizildi. Toyota Camry-diń júrgizýshisi jedel járdem kóliginde kóz jumdy.
