Almatyda jol apatynan úsh polıtsııa qyzmetkeri zardap shekti
ALMATY. QazAqparat – Almaty qalasynda bolǵan jol-kólik apaty saldarynan úsh polıtsııa qyzmetkeri zardap shekti, dep habarlaıdy QazAqparat tilshisi.
Polıtsııa departamenti baspasóz qyzmetinde jol-kólik oqıǵasy 25 sáýir kúni kúndiz Túrksib aýdanynda bolǵandyǵyn eskertti.
«Toyota kóliginiń júrgizýshisi Klara Tsetkın kóshesimen soltústikke qaraı júrip kele jatyp, «jol berý» belgisine mán bermeı, Bekmahanov kóshesindegi bas jolǵa shyǵyp ketip, onda polıtsııa kóligimen soqtyǵysty. Jol-kólik oqıǵasy saldarynan qyzmettik kólikte bolan úsh polıtsııa qyzmetkeri dene jaraqattaryn aldy», - dep habarlady baspasóz qyzmetinen.
Jol-kólik oqıǵasy faktisi Túrksib aýdany polıtsııa basqarmasynda tergelý ústinde.
