Almatyda jol apatynan úsh búldirshin japa shekti
ALMATY. QazAqparat - Almatyda jol apaty bolyp, kishkentaı úsh bala zardap shekti, dep habarlaıdy, QazAqparat tilshisi.
Avtobýs pen Mitsubishi Pajero jol talǵamaıtyn kóligi Súıinbaı men Sholohov kósheleriniń qıylysynda soǵysyp qalǵan. Ekeýi de bir baǵytqa qaraı ketip bara jatqan.
Kýágerlerdiń aıtýynsha, Mitsubishi Pajero rýlindegi áıel Sholohov kóshesinen burylmaq bolyp, shuǵyl oń jaq jolaqqa qaraı shyǵady. Osy jerde ol avtobýsqa janasa soǵylǵan. Qatty soqqydan Mitsubishi Pajero jol shetindegi jıektastan asyp baryp kóshe shamynyń baǵanasyna soǵyldy. Salonda jasqa tolmaǵan, sonymen qatar 5 jáne 6 jastaǵy úsh balanyń bolǵan. Olardyń barlyǵy jaqyn mańaıdaǵy aýrýhanaǵa jetkizildi.
Oqıǵanyń sebep-saldaryn jol polıtsııasy anyqtaý ústinde.
