Almatyda jol apatynan úsh áıel kóz jumdy
ALMATY. QazAqparat - Almatyda jeńil avtokólik avtobýspen soqtyǵysyp, úsh adam qaıtys boldy dep habarlaıdy QazAqparat tilshisi.
Oqıǵa Alataý aýdany Jaýjúrek tas jolynda Vodnık aýylyna jaqyn jerde bolǵan.
Kýágerlerdiń aıtýynsha, Renault avtokóligi tasjolmen batys baǵytta qozǵalyp kele jatqan. Alaıda, Trýdovık eldi mekenine jaqyndaǵan sátte onyń dóńgelekteri taıyp, joldyń qarsy baǵytyna shyǵyp ketedi. Osy sátte shyǵys baǵytta kele jatqan №15 avtobýs jeńil avtokóliktiń búıirinen soǵyp, joldyń shetine qaraı aýdaryp jibergen.
Jol apaty saldarynan jeńil avokólikte bolǵan úsh jolaýshy qaza tapty. Olar: 1960, 1978 jáne 1988 jyly týǵan áıel adamdar. Taǵy bir jolaýshy aýyr halde aýrýhanaǵa jetkizildi.
Almaty polıtsııasy jol-kólik oqıǵasynda mert bolǵandar týraly aqparatty rastady.
«Apat faktisi boıynsha saraptama taǵaıyndaldy. Jol-kólik oqıǵasynyń mán-jaıy anyqtalýda», - dep habarlady Almaty qalalyq PD.
