Almatyda jol apatynan úsh adam jaraqat aldy
ALMATY. QazAqparat - Almatyda jol apaty bolyp, 3 adam zardap shekti, dep habarlaıdy QazAqparat tilshisi.
Polıtsııa departamentiniń málimetine sáıkes, kólik apaty 13 mamyr kúni Jangeldın-Baıanaýyl kósheleriniń qıylysynda bolǵan.
Lada kóliginiń júrgizýshi Jangeldın kóshesimen ońtústik baǵytta kele jatyp Baıanaýyl kóshesimen qıylysqan tusta qoǵamdyq kólik jolaǵymen júrip, baǵdarshamnyń tyıym salatyn qyzyl túsine ótip ketti.
Jol erejesin buzý saldarynan ol Mitsubishi Pajero mashınasymen soqtyǵysty.
«Soqqydan Lada kóligi ınertsııamen jaıaý júrginshiler jolyna shyǵyp, 63 jastaǵy áıeldi qaǵyp ketti. Apat saldarynan jaraqat alǵan jaıaý júrginshi №7 qalalyq klınıkalyq aýrýhanaǵa jetkizildi. Sodaı-aq «Lada» kóliginde otyrǵan eki jolaýshy zardap shekti. Onyń bireýi - 14 jastaǵy qyz bala. Ekeýi de emdeý mekemesine jetkizildi», - dedi Almaty qalasy PD tergeý basqarmasynyń bastyǵy Oljas Sháripov.
Jol apatyn Jetisý aýdandyq polıtsııa basqarmasy tekserip jatyr.
