Almatyda jol apatynan úsh adam aýrýhanaǵa tústi
ALMATY. QazAqparat - Almatyda bir baǵytta ketip bara jatqan eki jeńil kólik bir-birimen soqtysyp, zardap shekken úsh adam aýrýhanaǵa tústi, dep habarlaıdy QazAqparat tilshisi.
Jol apaty Alǵabas aýdanyndaǵy Aqsaı kóshesinde bolǵan. BMW men Peugeot kóligi Aqsaı kóshesimen ońtústikke baǵyt alyp bara jatqan. Kenetten aldyndaǵy Peugeot kóligi solǵa burylý úshin kilt toqtaǵan.
Sońynan kele jatqan BMW júrgizýshisi tejegishti basyp úlgermeı, Peugeot kóligin soqqan. Soqqynyń kúshimen Peugeot jol shetindegi jaryqtandyrý baǵany men jol belgisin qaǵyp toqtaǵan.
Jol apatynan 3 adam, Peugeot júrgizýshisi men jolaýshysy, BMW júrgizýshisi zardap shekti. Olardy jedel járdem aýrýhanaǵa alyp ketti.
