Almatyda jol apatynan tórt adam zardap shekti
ALMATY. QazAqparat - Almatyda jol apatynan tórt adam, sonyń ishinde búldirshin zardap shekti, dep habarlaıdy QazAqparat tilshisi.
Jol-kólik oqıǵasy «ıAlıan» bazarynyń mańynda boldy.
«Toıota» kóligi Soltústik aınalma jolmen ońtústik baǵytta kele jatqan. Kenetten onyń aldyn djıp kesip ótken. Saldarynan «Toıota» qarama-qarsy baǵytqa shyǵyp ketip, "Lada 2109" kóligin búıirden urǵan.
Soqqydan «Toıota» jolaýshylary - qart er adam men búldirshin, Jıgýlıdiń júrgizýshisi men jolaýshysy jaralandy.
Jedel járdem zardap shekkenderdi aýrýhanaǵa alyp ketti. Oqıǵanyń mán-jaıyn polıtsııa anyqtap jatyr.
